السلام عليكم ورحمه الله وبركاته ..
هذا اول موضوع لي في اعمليها بنفسك ! كثير احب هالاشياء واقدرها
يعني تمسك معي ابي اغلف الهديه بنفسي ؟ ابي ابتكر هديه ؟ ابي شي حلو وغير اعتيادي ..
هالمره حبيت اسوي هديه لبنات عمو " لولي" و"مناير" لولي خابرتها مُدمنه الكوفي المغلف
بكل انواعه واشكاله ونكهاته !
ومناير عشقها الببسي والتشوكلت فحبيت اجيب لهم شي يحبونه
. ف اخترت سله كوفي بسيطه ومفيده ..
نشوف مع بعض السله ..
هنا البوكس والدلو حطيت داخلهم القش ورتبت الاشياء داخلهم
اول شي المستطيل حطيت داخله كوبين وعلبه الكوفي والهوت شوكلت صينيه صغيره
وخفاقه الحليب ولوح شوكلت وعلبه ميني ماكونتوش
والدلو حطيت داخله باقي البسكويتات و٢ كولا وشمعه
بس مو باينه لانها غاطسه تحت : )
وطبعت الكروت كل وحده بالحرف حقها وعباره صغيره
واخر شي لفيتهم بسوليفان شفاف من تحت لفوق وحطيت شريطه
انتو عاد بامكانكم تبدعو بالمحتويات كل شخص وايش يحب ..
وبس : )
لا تترددون لاي استفسار بالكومنت او مواقع التواصل
