medela swing breast pump reviews | مضخه الحليب ميديلا

اليوم بتكلم عن جهاز ميديلا سوانج" جهاز انصح فيه كل ام مُرضعه حابه ترضع ولدها طبيعي هالجهاز بيسهل لها عمليه الرضاعه وبيوفر لها وقت كثير

وقت حملي ثقفت نفسي بأهميه الرضاعه وقد ايش تأثيرها كبير ع البيبي وعـ صحه الام
وانا هننا اتكلم عن الرضاعه الطبيعيه بدون مساعدات يعني من فم البيبي على طول
بس احياناً الظروف ماتساعد انك تكونين مستلقيه وقريبه من البيبي عشان كذا كنت محتاجتها

وطبعاً عملت سيرش كثير بس مالقيت اجابه شافيه عن الجهاز اللي كان يغطي احتياجاتي
 اخيراً شفت ريفيوهات ببلوقات اجانب عن اجهزه ميديلا .. وحبيتها لعده اسباب بتطرق لها ..

الجهاز اشترتيه من امزون من قبل اكثر من سنتين تقريباً الحين متوفر بآغلب الصيدليات

ومحلات مستلزمات الاطفال

وهالجهاز فاز بعده جوائز ، وفيه كذا نوع ممكن تدخلين موقعهم وتشيكين عليهم ..

الجهاز زي منتو شايفين كيوت : ) جد كيوت الالوان رايقه

ومافيه حوسه الازره واهم شي نظامه يحاكي نظام المص للبيبي

مما يحفز الصدر اكثر ويوحي له ان العمليه طبيعيه

 هذي محتويات الكرتون بالاضافه للباق الخفيفه اللي باول صوره 

طبعاً الجهاز الحلو فيه انه يعمل ع الكهرباء والبطاريه ! يعني حتى لو انتي بالسياره

تقدرين تضخين الحليب او لو كنتي برا البيت لوقت طويل او بمكان عملك

ضخ الحليب بيتم علي مرحلتين !

المرحله الاولى التحفيز : اللي هي تحاكي الطفل اول مايبداء يمص من الحلمه

 وتكون سريعه عشان يبدا الحليب بالتدفق

المرحله الثانيه السريعه : اللي هي مرحله تدفق الحليب ويبدا الحليب بالنزول وهنا يتحول المص

للوضع البطيئ والعميق

العمليه ماكانت تاخذ وقت معي ،، خصوصاً اذا الصدر مليان ١٠ او ١٥ دقيقه بالكثير

طبعاً يتنقل الجهاز بالتساوي من صدر لثاني

بعد مانعبي العلبه بالحليب نحاول نعرف كم ملي عبينا

يعني الوحده تحاول تعرف نفسها وكم ملي يشرب البيبي بالوجبه الوحده

يعني سوي دراسه بسيطه لوضعك ووضع البيبي ، منها تعرفين اذا شبع او لا

شغله مهمه كانت مخوفتني ان البيبي يتعود على الحلمه الصناعيه ف يبطل يرجع يمص من صدري ؟!

مع حلمه ميديلا ابداً ماعانيت لانها مو زي الحلمات العاديه لااااا ..

حلمه تحاكي حلمه الام : ) اول شي مو لينه زي الحلمات الصناعيه

بحيث اول مايلمس البيبي تصب ع طول ! لا .. قاسيه شوي لازم الطفل يمصها عشان تطلع حليب

وهالشغله ماراح تنفره من الصدر الطبيعي لانها نفس الاليه .

طبعا ً كل الادوات خاليه من المواد الضاره 

: تجارب ونصائح الرضاعه كثيره .. بذكر الاشياء المهمه بنظر

• التغذيه السليمه شي اساسي وشرب الحليب والعصيرات والمويه
• وضعيه الجلوس تكون مريحه وريلاكس
• لاتشغلين بالك بأي شي جوال او ايباد  
• يفضل يكون البيبي جنبك اذا كنتي بالبيت 
•  تاكدي من تعقيم الادوات اللي تستخدمينها

اخر شي حابه احط لكم فديوهات زياده للي حابه تشوف كيف عمل الجهاز

وتستفيدون منها .. 

  لا تترددون لاي آستفسار : )